اسمك ايه … أنا انسان
شغلك ايه … أنا إنسان
ساكن فين .. أنا إنسان
ايوه يا دنيا … أنا إنسان
عندى شهادة .أو من غير . أنا إنسان
اوعى تقولى فين املاكك
أو حتى رصيدك كام
بيهم أو من غيرهم
أنا أكيد إنسان
اوعى تقيسنى بالمسطرة
وتوزنى بهدومى المزهرة
ولا الميه المعطرة
مش يمكن اكون شقيان
ولا من الدنيا زهقان
مش فاضى احط البرفان
ولا مش معايا تمن باكو لبان
سوا زهقان.أو مش معايا اشترى لبان
أنا برضه أكيد إنسان
هاتقولى وظيفتك ايه
ولا أبوك كونيته ايه
يعنى أبويا لو كان بيه
سيادتك هاتدينى ايه
هيبة. وأدب. واحترام
طيب. ما أنا إنسان
شبعان حتى .ولا جعان
أنا إنسان
أنا مسكين.وأبويا غلبان
لكن برضه .أكيد إنسان
لو هاتقولى ديانتك ايه
برضه هارد . وأقول انسان
سوا.مسلم .ولا مسيحى
بص لقلبى .ازاى مليان
بحب الله . وكلى إيمان
زيى زيك .وقدى قدك
وأنا هاثبتلك . إسأل نفسك
وانت رايح عند ربك
مش هتاخد .الا عملك
لو كنت وزير .ولا مدير
أو حتى سواق حمير
فى الآخر أنا أخوك الإنسان
فرجاءا .يا اخى الإنسان
كون إنسان مع أخوك الإنسان
